Аварга Луузанрааш

Аваргын алдар: ЛУУЗАНРААШ  
Төрсөн он(жил): 1775 оны орчим
Нутаг ус: Сайн ноён аймгийн Цэцэн вангийн(чин ван эфү таны) хошуу(одоогийн Архангай аймгийн Ихтамир, Чулуут, Өндөр-Улаан сумдын нутаг) 
Цол чимэг: аварга 
Барилдааны амжилт: Даншиг наадамд 1808 онд 7, 1811 онд 7 давж шөвгөрсөн (бүрэн бус).
Гол онцлог: 1808 оны Даншиг наадамд 584 бөхөөс 7 давсан Эфү ван таны Луузанрааш аварга (өмнөх жилүүдийн цол)-д тэмээ, морь, хонь тус бүр нэг, шар цай 65-ыг шагнажээ. Хамгийн сүүлд 1818 оны даншигт аварга цолтой барилдаж  2 давсан байна.
Дашрамд сонирхуулахад яг энэ нутгийн Раднаа гэгч 1811 оны даншигт аварга цолтой барилдаж 2, 1818 оны тусгай даншигт 8 давж гуравт үлдсэн бол 1821 оны даншигт 5, 1824 оны даншигт 4 давсан байх бөгөөд бөх судлаач Ц.Бат-Очир гуай энэ хүний аварга цолыг орон нутгийн цол гэжээ.
Дархан мэх: судлагдаагүй

Бөх судлаач Б.Цогтбаатар