“Монгол хуримын эрхэмсэг оршихуй” өдөрлөгийн фото

Дөнгөж сая хуримын ордонд “Монгол хуримын эрхэмсэг оршихуй” арга хэмжээ боллоо. Энэхүү арга хэмжээг хуримын ордон, Монгол костюмс төв, “Хайтан” цэцгийн клуб хамтран шинээр гэр бүл болж байгаа залуу хосууддаа зориулан эртнээс мөрдөгдөж ирсэн хурим найрын ёс заншил, монгол уламжлалыг таниулах үүднээс зохион байгууллаа. Монголчууд эртнээс хуримлах ёсыг сайн үйлдвээс “амьдрал тэгш дүүрэн жаргалтай байна” хэмээн итгэдэг байсан ард түмэн. Харин сүүлийн үед монгол заншилын дагуу хурим найраа хийх нь ховордож хурим гэхээр идэж ууж наргиж цэнгээд тарахын нэр болж хэмээн зохион байгуулагчид өгүүлж байсан. Энэхүү өдөрлөгт Судлаач эрдэмтэн Т.Намжил, Г.Баяндалай, Б.Солир нар хүрэлцэн ирж жинхэнэ монгол хуримны ёсны талаар мэдээлэл өгсөн юм. Нэмж хэлэхэд 9-сарын 1 хүртэл хуримын ордонд “Хайтан” цэцгийн клубын үзэсгэлэн худалдаа явагдаж байгаа гэнэ. Ингээд энэхүү өдөрлөгийн зургаас хүргэж байна.