Одод морьтой

 Дэлхийн дайдыг морин дэл дээр эзэлж явсан хүчирхэг өвөг дээдэстэй ард түмэн билээ, бид. Хурдан хүлгэдийнхээ тоосонд хийморь лундаагаа даатгаж, сүслэн ирсэн бид морьтойгоо түүхээ бичилцсэн. Тийм ч болохоор хүлэг сайн морьдынхоо тухай тухай магтан өгүүлсэн дуу шүлэг олонтаа бий. Сүүлийн үеийн хурдан морины тухай дуунуудаас дурдахад дуучин А.Хосбаяр, А.Мөнхбат нарын дуулсан “Тод магнай”, дуучин А.Мөнхбатын “Манай адуу”, “Үйзэн зээрд”, Б.Буянжаргалын “Аавын борлог морьд”, А.Хосбаярын “Гүйгүүл морин” гэхчилэн олныг дурдаж болно. Нийтийн дууныхан ийнхүү хурдан хүлгэдийнхээ дуугаар “гангардаг” бол рок попынхон болон загварынхан ингэж гоёсон байх ажээ.