Баарай Ганширэм

Товч намтар: 1981 оны есдүгээр сарын 13-нд Бүрэнтогтох суманд төрсөн. Аав Л.Баарай аймгийн Алдарт уяач. 

Б.Ганширэм зургаан наснаасаа таван жил хурдан морь унасан Морь уяж эхэлснээс хойш сумын чанартай наадмаас зургаан түрүү, дөрвөн айраг, овоо тахилга, багийн баяр зэргээс 40 гаруй айраг, түрүү хүртээд байгаа юм. 

Амжилт үзүүлсэн аргамаг хүлгүүд:

Суман хар морь: 
Удам угшил: Аавын унаган адуу
Амжилт: Сумын баяр наадамд зургаа түрүүлж, гурав айрагдсан. “Суман хар” гэдэг дуутай хурдан морь байв. Орон нутгийн чанартай бага наадмуудад барагцаагаар 10 гаруй түрүүлж, 20 шахам удаа айрагдсан
1999 онд шүдлэн Шинэ-Идэр суманд айраг
2000 онд хязаалан Бүрэнтогтох суманд айраг
2004 онд их нас Бүрэнтогтох суманд түрүү
2006 онд их нас Бүрэнтогтох суманд түрүү
2008 онд их нас Бүрэнтогтох суманд түрүү, Шинэ-Идэр сумын хүн эмнэлгийн 80 жилийн ойд айргийн гурав 
2009 онд их нас Бүрэнтогтох суманд түрүү
2010 онд их нас Бүрэнтогтох суманд түрүү
2011 онд их нас Бүрэнтогтох суманд айргийн дөрөв, Арбулаг суманд айргийн тав
2014 онд их нас Бүрэнтогтох суманд айргийн тавд тус тус хурдалсан. Үүнээс гадна 2004 онд хар даага Бүрэнтогтох суманд аман хүзүүдэж, 2007 онд хээр алаг соёолон айргийн тав, 2008 онд унаган хонгор даага айргийн дөрөвт давхисан.