Рэнцэн Нямдорж

Нацагдорж 5-р багийн харьяат, сумын Алдарт уяач Рэнцэнгийн Нямдорж 1973 оны зун Говь-Алтай аймгийн Тонхил суманд айлын долоо дахь хүүхэд болон мэндэлжээ. Аав Чойжинжавын Рэнцэн 1960,70-аад оны үед нэгдлийн адуу маллахын зэрэгцээ хар, улаан зүсмийн морьдоо Говь-Алтай аймгийн Тонхил сумын наадамд олонтаа түрүүлгэж, айрагдуулдаг байж. Сүүлд Төв аймагт шилжин ирээд ч сайхан наадчихдаг байсан гэдэг. 

Харин Р.Нямдоржийн хувьд 1989 оноос эхлэн хурдан морь уяж, АХ-ын 69 жилийн ойгоор Осорхүүгийн адууны зээрд халзан хязаалангаа төрийн наадамд 35-д хурдлуулж байсан. Түүнээс хойш аймаг, сумын чанартай уралдаанаас 16 айраг, түрүү авч 2017 онд сумын Алдарт уяач цол хүртсэн. Саарал азарга, хүрэн морь, сартай хээр үрээ нь сайн давхидаг. Түүний морь уях эрдмийг үнэлж ММСУХ-ны 20 жилийн ойн медалиар шагнажээ.