ХУРДАН ГАЙХАМ ХУРГА ХОНГОР

Ганзага дүүрэн, магнай тэнэгэр наадаж буй хийморилог эрхмүүдийн нэг бол Завхан аймгийн Эрдэнэхайрхан сумын уугуул, Аж үйлдвэрийн Гавьяат ажилтан  Намжилцэрэнгийн Даш-Өлзий юм. Хорин жилийн хөдөлмөрөө үнэлүүлж, жил дараалан цолоо ахиулсан тэрээр бичин жилийн босгон дээд цолтны эгнээнд эрэмбэлэгдэх магадлал өндөр байна. Хийморилог уяачийн бахархалт хүлгүүдийн нэг Хурга хонгор азарга нь өнөө жил амжилтаа бататган, эрлийз дээд насны ангилалд айргийн дөрөвт хурдалсан. Хурдан хонгорын удам, угшил, амжилт, алдрын товчоог сануулбал:
УДАМ, УГШИЛ:
Эцэг: Манлайн унаган Од хэмээх хурдан хул азарга. Нийслэлийн тэргүүн хүлэг шалгаруулах уралдаанд гурав айрагдсан. 
Эх: Англи зээрд халзан гүү
АМЖИЛТЫН ТОВЧООН:
2013 онд хязаалан:
Хаврын бооцоот уралдаанд аман хүзүү
АХ-ын 92 жилийн ой, үндэсний их баяр наадамд айргийн гурав
Завхан аймгийн 90 жилийн ой баруун бүсийн наадамд түрүү
2014 онд соёолон:
“Дүнжингаравын хурд-2014” хаврын бүсийн уралдаанд түрүү
2015 онд хавчиг азарга:
“Дүнжингаравын хурд-2015” хаврын бүсийн уралдаанд түрүү
АХ-ын 94 жилийн ой, үндэсний их баяр наадамд айргийн дөрөв

"Тод магнай" сэтгүүл №70